четверг, 5 июня 2014 г.

Рэпліка аб шкодзе стэрэатыпаў.


Рэпліка аб шкодзе стэрэатыпаў.

 

Калі я дажыву да таго моманту, што мне не будзе чаго рабіць - толькі пісаць мемуары, я абавязкова назаву іх “Нататнік лайдака”, бо пррыналежу да гэтае большасьці  паспалітага люду.  Самая ж распаўсюджаная на плянэце форма гультайства – не жаданьне думаць. Гэтым (ужо ня первую тысячу гадоў і зь вялікім посьпехам) карыстаюцца кіруючыя эліты ўсіх краінаў і дзяржаваў.  Існуе вельмі складаная сістэма ўзаемаадносінаў асобы з соцыюмам, якую я паспрабаваў змадэляваць пэўнаю схемаю раней: http://anialova.blogspot.de/2013/10/blog-post.html . 

На жаль сістэма стэрэатыпаў, народжаная яшчэ ў часы Расейскае імпэрыі і СССР адносна нашае нацыі і Краіны дамінуе пагатоў. Напрыклад, некалі я меў размову з азербайджанцамі пра стан спраў у былым СССР.  Як рэфрэн гучэла, - “што ж вы зробіце, Беларусь такая маленькая рэспубліка”.  Пэўна таму, што "маленькая" і сказана было не Краіна, а “рэспубліка”. І гэта пры тым, што сам Азэрбайджан амаль у два з паловай разы (плюс-мінус Нагорны Карабах) меньшы за Беларусь.
Але на такі выпадак у мяне падрыхтаваны жалезны аргумэнт: - так, звычайна кажу я, мая краіна не такая груваздкая па памерах, як Расея, але на яе тэрыторыі лёгка змяшчаюцца Літува зь Латвіяю, Эстонія зь Калінінградзкім расейскім анклавам, дый прастора яшчэ для Ватыкана з Манака застанецца!
 
Тая размова падбіла мяне зрабіць параўнаўчую дыяграму-раньжаваньне краін Эўропы па тэрыторыі. Там ёсьць таксама дадзеныя па насельніцтву.  Сітуацыя  адпавядае далёкаму ўжо 1989 году і паказвае на “стартавыя ўмовы” нашае краіны.  Чырвонаю лініяю зробленая спроба знайсьці згладжаную графічную залежнасьць для такога ранжаваньня.  З графіка вынікае, што Беларусь трэба суадносіць не з Літувою і г.д., а з суседзямі па “сьпісе”, Ангельшчынаю, напрыклад. Таксама можна лічыць, што Беларусь ёсьць у шэрагу... сярэдне-буйных эўрапейскіх краінаў, бо толькі за Баўгарыяю, што у два разы меньшая за Беларусь,  экспанента агінаючае графіку, блізкага да гіпербалічнае залежнасьці, пераходзіць у наўпростую лінію. Ды й трынаццатае мейсца маем з сарака чатырох, нават пры наяўнасьці краін-ліліпутаў. Сама гэтая эпюра ёсьць вынікам сумы вельмі складаных суадносін гістарычных і іньшых чыньнікаў зьмены межаў краінаў Эўропы ў прасторы і часе, але дазваляе груба  ацаніць – “узважыць” бягучую сітуацыю.
Сёньня, калі агрэсія Расеі супроць Украіны шматкроць паскорыла гістарычную плынь міжнародных падзей і задала ёй пэўны накірунак, існуючая  антыбеларуская сістэма поглядаў і стэрэатыпаў ёсьць вельмі шкоднаю і небясьпечнаю.

Я не ўключыў у гэтую”таблічку” Расею не таму, што мне не падабаюцца крокі яе кіраўніцтва (а мне гэта, мякка кажучы, не падабаецца вельмі), - проста яна, па вызначэньню, не трапляе ў якія колькі супаставімыя парамэтры. Такіх краін быць не можа. Гэта, па памерах, калі не  іньшая планэта, то мацярык  - дакладна.
 

Ранжыраваньне краінаў Эўропы (за выняткам Расеі) па памерам тэрыторыі

Стан на 1989 год. У дужках пададзена мейсца, што займала тады пэўная краіна
ў глябальным сьпісе (ўсяго 194 краіны) па аналягічных парамэтрах. Таксама пададзеная агульная колькасьць жыхарства і адпаведная заселенасьць (ці, калькуючы расейскую мову, - “шчыльнвсьць насельніцтва”).
 
Краіна                 Яе   плошча      Жыхарства         Заселенасьць
                  тыс. км кв          тыс. чал.               чал / кв. км.
 
01. Турцыя                   779      (36)    66229        (15)         85
02. Украіна                   604      (43)    49093        (24)         81
03. Францыя                544      (47)     59191        (20)      109
04. Гішпанія                 505      (50)     41117        (29)        82
05. Швэцыя                  450      (55)       8894        (83)        20
06. Нямеччына            357      (61)      82333       (12)       231
07. Фінляндыя             338      (63)        5188      (109)        15
08. Нарвэгія                 324      (66)        4513      (114)        14
09. Польшча                313      (68)      38641        (30)      124
10. Італія                      301      (70)      57948        (22)      192
11. Вялікабрытанія     243       (78)      58800        (21)      242
12. Румынія                 238       (81)       22408       (47)        94
13. Беларусь              208       (84)         9970       (79)        48
14. Грэцыя                   132       (95)       10591       (71)        80
15. Баўгарыя               111      (102)         8020      (90)        72
16. Ісляндыя                103      (105)           282    (168)        27
17. Сэрбія  і
      Чарнагорыя           102       (106)       10561      (71)     104
18. Венгрыя                   93       (109)       10187      (77)     110
19. Партугалія               92       (110)       10024      (78)     109
20. Аўстрыя                   84       (113)         8132      (87)       97
21. Чэхія                        79        (114)       10224      (76)    130
22. Ірляндыя                 70        (118)         3839    (123)      55
23. Летува                      65        (121)        3482    (126)      53
24. Латвія                      65        (122)         2359    (137)      37
25. Харватыя                57         (124)        4381    (116)      78
26. Босьнія-Герц           51         (125)        4060    (120)      79
27. Славакія                 49          (127)        5404    (103)    110
28. Эстонія                    45          (130)       1364    (144)       30
29. Данія                       43           (131)       5359    (105)     124
30. Нідэрланды            42           (132)     16039      (57)     386
31. Швэйцарыя             41           (133)       7231     (93)     175
32. Малдова                  34           (136)       4270    (117)    126
33. Бэльгія                     33          (137)      10286      (74)    316
34. Альбанія                  29           (140)       3164    (129)    110
35. Македонія                26           (146)       2044    (139)      80
36. Славенія                  20           (151)       1992    (141)       98
37. Кіпр                            9           (162)          761    (154)       82
38. Люксембург               3           (167)          441    (162)     171
39. Андорра                     0,5        (179)            70    (183)     150
40. Мальта                       0,3        (185)          395    (165)   1250
41. Ліхтэнштэйн               0,2        (189)            30    (187)     188
42. Сан Марына               0,06      (190)            30    (188)     496
43. Манака                        0,02      (193)            30    (189) 15385
44. Ватыкан                      0,0004   (194)              0,3 (194      600
 
 
 
 

 

 

Комментариев нет:

Отправить комментарий